ЕҢБЕК АУЫЛДЫҚ ОКРУГІНІҢ ОРТАЛЫҒЫ САҒАШИЛІ АУЫЛЫНДАҒЫ ӘЙТЕКЕ БИ КӨШЕСІНДЕГІ АВТОМОБИЛЬ ЖОЛЫ КҮРДЕЛІ ЖӨНДЕУДЕН ӨТУДЕ.
Ұзындығы 1270 метр болатын бұл көшеге бұрын-соңды асфальт төселмеген. Құрылыс құны 121 млн теңге құрайтын жол салу жұмыстарын «Бірлік НС» ЖШС-і жүргізуде. Аталған серіктестік директорының орынбасары Өмірбек Өтепов бүгінде жол салынатын жердің беткі қабаты қырылып, қиыршық тастары төселіп, нығыздау жұмыстары жүргізілгенін жеткізді.
— Қазіргі уақытта жұмыс тоқтап тұр. Себебі тапсырыс берушілерден қаржы бөлінбей, кешіктірілуде. Егер қаржы уақытында бөлінсе, тамыз айының аяғына дейін жұмысты толық аяқтаймыз. Құрылыс басында 20-ға жуық адам жұмыс жасайды. Оның үшеуі жергілікті жердің тұрғындары. Техникаларымыз жеткілікті, — деді «Бірлік НС» ЖШС-і директорының орынбасары Өмірбек Өтепов.