Ауданымыздың шаруа қожалықтары мен жеке шаруа ағайындар үшін жауапты кезең саналатын шөп шабу науқаны басталды.
Шаруалар үшін жаздың әр күнін тиімді пайдалану маңызды. Алдағы қысқа түсетін малға қажетті азық дайындауда шаруалар белсенді еңбектенуде. Аудан бойынша 2025-2026 жылдары мал қыстату кезеңіне қажетті 213,7 мың тонна мал азығын дайындау жоспарланған. Шөп дайындау науқанына 106 бригада, 329 шөп дайындау техникалары (тракторлар, шөп шапқыш, шөп престегіш, тіркеме, тырма агрегаттары) жұмылдырылды.
Бүгінгі күнге аудан бойынша 84,1 мың тонна мал азығы дайындалды. Оның 61,8 мың тоннасы тасылды.