Еліміздегі алғашқы Балалардың құқықтарын қорғау басқармасының Ақтөбе облысында ашылды.
Басқарма балалардың құқықтары мен мүдделерін қорғап, өтініштерге жедел жауап береді, отбасыларға көмек көрсетеді, өңірдегі тиісті қызметтерді үйлестіреді.
«Біз әр баланың сенімді қорғалуын қамтамасыз ететін жүйе құрып жатырмыз. Бұл мәселелерді жедел шешуге және балаларға жергілікті деңгейде көмек көрсетуге мүмкіндік береді»,– деді Балалардың құқықтарын қорғау комитетінің төрайымы Насымжан Оспанова.
Басқармада бір маман 5 мың балаға қызмет көрсетеді. Қызметкерлер саны биыл 303-тен 896-ға өсті. Оқыту курстары өткізіліп, бірыңғай стандарттар енгізілуде.
Жоба Бала құқықтары жөніндегі уәкілмен бірге барлық өңірде кезең-кезеңмен іске асады.
📺@qazaqstantv