Жуырда Қаракөл ауылдық мәдениет үйі жанынан алғаш рет құрылған «Ақ кимешек» және «Асыл аналар» аналар-әжелер ансамбльдерінің тұсаукесер рәсімі өтті.
Әжелер мен ақ жаулықты аналардан құралған ансамбль мүшелері сахнаға шығып, халық әндерін орындап, көрермен ықыласына бөленді.
Бұл қос ұжым – ауыл аналарының өнерге, дәстүрге, руханиятқа деген сүйіспеншілігінің көрінісі.
«Ақ кимешек» ансамблі – әжелердің ұлттық киімдегі бата-өсиет пен дәстүрлі халық әндерін насихаттайтын рухани тобы болса, «Асыл аналар» ансамблі – аналар бейнесін, мейірім мен ұлттық құндылықтарды дәріптейтін өнер ұжымы.
Екі ансамбль де ұрпақ тәрбиесіне, рухани мұраны жалғауға үлес қосатын мәдени бастама ретінде құрылды.