Қайыңды ауылдық кітапханасында оқырмандар арасында “Ғаламтордағы алаяқтық” атты дөңгелек үстел өтті.
Шара барысында ғаламтордағы алаяқтықтың түрлері мен оның алдын алу жолдары насихатталды. Әлеуметтік желілердегі қауіпсіздік, қаржылық қауіпсіздік және алаяқтықтың құрбаны болған жағдайда жасалатын қызметтер туралы оқырмандарға түсіндірілді. Ғаламтордағы алаяқтық үнемі дамып отырғандықтан жаңа қауіптер туралы хабардар болып және қауіпсіздік шараларын сақтау керектігі айтылды. Кітапханашының дайындаған интернеттегі алаяқтық туралы “Абайлаңыз, алаяқтар!” тақырыбындағы жадынамалары таратылды.
-Қазіргі уақытта күнделікті өмірде интернет ресурсы кеңінен пайдаланылады. Соның ішінде интернет алаяқтығы азаяр емес. Сол себепті алаяқтықтың алдын алып, оқырмандар арасында түсіндіріп, өз үлесімізді қосқымыз келді, — дейді кітапханашы Қарлыағаш Қонарбаева.
«ҒАЛАМТОРДАҒЫ АЛАЯҚТЫҚ» ДӨҢГЕЛЕК ҮСТЕЛ ӨТТІ
