Аудан әкімдігінде аудан әкімі Дархан Ермағанбетов, аудан прокуроры Ерназар Алдияр, «Атамекен» кәсіпкерлер палатасы аудандық филиалының директоры Көмекбай Бектұрғанов кәсіпкерлерге жеке қабылдау өткізді.
Қабылдау барысында кәсіпкерлер кәсіпкерлікті дамытудағы қолайлы бағдарламалар мен жобалар төңірегінде кеңестер сұрап, ұсыныс-пікірлерін ортаға салды.
Аудан әкімі Дархан Ермағанбетов пен аудан прокуроры Ерназар Алдияр әрбір кәсіпкердің мәселесін мұқият тыңдап, олардың құқықтары мен мүдделерін заңдылық тұрғыдан қорғауға, кәсіпкерлердің мәселелерін шешу жолында бірлесе жұмыс істеуге дайындықтарын білдірді.