Энергетика саласына 42 жылдық ғұмырын арнаған «Энергосистема» ЖШС Мұғалжар электр желілері учаскесінде кабельші-жүргізушісі Ысқақ Айтжан Бахытжанұлы Мемлекет басшысының Жарлығымен «Еңбек даңқы» III дәрежелі орденімен марапатталды.
1983 жылдан бері энергетика саласында үздіксіз еңбек етіп келе жатқан бүгінгі марапат иесі қазіргі таңда «Энергосистема» ЖШС Мұғалжар электр желілері учаскесінде кабельші-жүргізуші болып жұмыс істейді.
0,4–110 кВ аралығындағы кабель желілеріне қызмет көрсетіп, апатты жағдайларды жедел жоятын білікті маман – ұжымда зор құрметке ие, жас буынға үлгі.