Жиын барысында Ұлттық құрылтайдың V отырысында көтерілген мәселелер, әсіресе Мемлекет басшысының мемлекеттік сектордағы жұмысты ұйымдастыру мәдениетін жақсартып, оған басқару саласындағы озық тәжірибелер мен құзыреттерді енгізу жайлы ой-пікірлері жан-жақты талқыланды.
Бүгін Мемлекеттік қызмет істері агенттігінде ведомство басшысы Дархан Жазықбайдың төрағалығымен кеңейтілген аппарат жиыны өтті, – деп хабарлайды Aikyn.kz сайты.
Жиын барысында Ұлттық құрылтайдың V отырысында көтерілген мәселелер, әсіресе Мемлекет басшысының мемлекеттік сектордағы жұмысты ұйымдастыру мәдениетін жақсартып, оған басқару саласындағы озық тәжірибелер мен құзыреттерді енгізу жайлы ой-пікірлері жан-жақты талқыланды.
Сонымен қатар, Агенттік Төрағасы мемлекеттік басқару жүйесін одан әрі жетілдіру, мемлекеттік қызметті адамға бағдарланған сервистік мемлекеттік аппаратты қалыптастыру жұмыстарын жалғастыру, көрсетілетін мемлекеттік қызметтердің сапасын арттыру, сондай-ақ мемлекеттік қызметшілер арасында «Заң мен тәртіп» қағидатын орнықтыру мәселелеріне ерекше назар аударды.
Жиын қорытындысында Агенттіктің құрылымдық бөлімшелері мен аумақтық департаменттеріне Мемлекет басшысының тапсырмаларын сапалы әрі уақтылы орындауды қамтамасыз ету бойынша бірқатар тапсырмалар берілді.