2026 жылғы 1 наурызда Мұғалжар ауылдық округі әкімінің сайлауы өтті. Мұғалжар аудандық аумақтық сайлау комиссиясының 2026 жылғы 1 наурыздағы шешімі негізінде «AMANAT» партиясының атынан ұсынылған Қорғанбай Әлімжан Өмірсерікұлы Мұғалжар ауылдық округінің әкімі болып сайланды.
Әлімжан Өмірсерікұлы 1968 жылы дүниеге келген. Білімі жоғары. 1994 жылы Қ.Жұбанов атындағы Ақтөбе педагогикалық институтын бітірген.
Еңбек жолын Шалқар ауданында жұмысшы болып бастаған. Кейін Шалқар ауданы Талдықұм орта мектебінде мұғалім, мектеп директоры, Ембі қалалық №49 орта мектебінің директоры, Ембі қалалық №7 орта мектебінің директоры, Ембі қаласы әкімінің орынбасары, Жем, Ембі, Қандыағаш қалаларының әкімі, Мұғалжар аудандық білім бөлімінің басшысы қызметтерін атқарды. 2022 жылдан бастап осы күнге дейін Мұғалжар ауылдық округінің әкімі қызметін атқарып келеді.
Аудан басшысы Дархан Ермағанбетов жаңадан сайланған Әлімжан Өмірсерікұлының жұмысына сәттілік тілеп, бірқатар тапсырмалар жүктеді.