1 шілдеден бастап Қазақстанда несие беру талаптары күшейеді. Банктер енді қарыз алушының төлем қабілетін қатаң тексеріп, борыш жүктемесі мен табысқа қатынасын (БЖК және ҚТК) мұқият есептейді.
Ең басты өзгеріс — ресми табысқа ерекше мән беріледі. Яғни зейнетақы аударымдары мен медициналық сақтандыру жүйесіндегі деректер ескеріледі. Ресми табысы дәлелденбеген адамдарға (конвертпен жалақы алатындар, келісімшартсыз істейтіндер) несие алу әлдеқайда қиын болады.
Бұл жаңашылдықтар халықтың артық қарызға батуын азайтып, қаржы нарығындағы тәуекелдерді төмендетуге бағытталған.