Белгілі журналист Нұрлыгүл Көшекбаева Ақтөбе облысы Темір ауданы әкімінің орынбасары қызметіне тағайындалды, деп хабарлайды Mugalzhar.kz тілшісі.
Осыған дейін Нұрлыгүл Бердіханқызы облыстық Aqtobe арнасында директордың орынбасары қызметін атқарды.
Нұрлыгүл Көшекбаева Қ.Жұбанов атындағы Ақтөбе мемлекеттік университетінің журналистика факультетін тәмамдаған. Еңбек жолын республикалық «Алтын Орда» газетінде бастаған ол кейін облыстық телеарнаның ақпараттар қызметінде еңбек етті.
Сонымен қатар, Ақтөбе облысының әр жылдардағы әкімдері Елеусін Сағындықов, Архимед Мұхамбетов және Бердібек Сапарбаевтың баспасөз қызметкері лауазымында болды.
Mugalzhar.kz сайты мен «Мұғалжар» газеті редакцияларының ұжымы Нұрлыгүл Көшекбаеваға жаңа қызметте сәттілік тілейді.