Қандыағаш қаласында азаматтық қорғау мемлекеттік жүйесін ұйымдастыруды жетілдіру, сондай-ақ басқару органдарын, күштер мен құралдарды даярлау мақсатында «Көктем-2020» командалық штабтық оқу жаттығуы өтті.⠀
Су тасқынына қарсы іс-шаралардың дайындығы және өткізуіне кәсіпорындар мен мекемелер, ауданның жедел ден қою жасағының жеке құрамы мен техникалары жұмылдырылып саптық байқау өткізілді.⠀
Мұғалжар ауданының азаматтық қорғаныс бастығы, аудан әкімі А.Шериязданов алдағы көктем мезгіліне қызметтердің әзірлігін тексерді.⠀
⠀ Өткізілген шаралар бойынша шұғыл әрекет ету қызметтерінің дайындығына оң баға берілді.⠀
⠀Оқу-жаттығу аясында қаланың «Самал» мөлтек ауданында тəжірибелік сабақ өтті. Су тасқынына ұшыраған үйді қоршау, обваловка жасау, мотопомпамен суды шығару, адамдарды құтқару жұмыстары жасалды.
Мекеме қызметкерлері тəжірибе алмасты. Кемшіліктерді талқылады. Оларды болдырмау үшін қандай əреке жасау керек екенін пысықтады.