СОҢҒЫ АПТАДА АУДАНДА КОРОНАВИРУСТЫ ИНФЕКЦИЯСЫН ЖҰҚТЫРҒАНДАР АНЫҚТАЛМАДЫ. ОСЫ УАҚЫТҚА ДЕЙІН ТІРКЕЛГЕН 169 ЖАҒДАЙДЫҢ 166-СЫ ДЕРТІНЕН АЙЫҚҚАН.
Бүгінгі таңда Мұғалжар ауданы бойынша 26 адам медициналық бақылауда. Коронавирус инфекциясының нақтыланған диагнозымен 2 науқас Мұғалжар аудандық ауруханасының инфекциялық стационарында ем алуда. 16-сы провизорлық госпитальде тұмау және пневмония белгілерімен жатқызылды. 8 адам ауданның бас дәрігері қаулысымен үй карантинінде қоңырау шалу арқылы медициналық бақылауда. Аудандық бас санитардың берген мәліметі бойынша, күн сайын тұрақты мониторинг топ мүшелері нысандарда санитарлық талаптардың сақталуын тексереді. Бүгінгі күнге 314-тен астам нысан бақылаудан өткен. Санитарлық талаптарды сақтамаған әлеуметтік нысандардан 4 389 240 теңге көлемінде әкімшілік айыппұл өндірілген. Н.ТІЛЕП