Құлсары қаласында өткен бокстан аудандық ашық біріншілікке Қандыағаш қаласынан Данил Мәлік баптайтын «Azhbenov boxing» клубының командасы қатысып, Мұғалжар ауданының намысын абыроймен қорғады.
Аталған біріншілікке Атырау, Батыс Қазақстан, Маңғыстау облыстары мен Ақтөбе облысының Алға және Мұғалжар аудандарының атынан барлығы 11 команда қатысты.
Бәйгеде «Azhbenov boxing» клубынан 11 боксшы бақ сынап, бірқатары жүлделі орындармен оралды. Атап айтар болсақ, 43 кг салмақта Исмайл Джумаш барлық қарсыласын айқын басымдықпен жеңіп, І орын иеленді. 33 кг салмақтан Назарбек Еңсеген ІІ орын, 30 кг салмақ дәрежесінде Ибрахим Қаратаев, 52 кг салмақта Арлан Жақып және +80 кг салмақта Бақдәулет Хайролла ІІІ орынды қанжығаларына байлады.
«AZHBENOV BOXING» КЛУБЫ 5 МЕДАЛЬМЕН ОРАЛДЫ
