Анализдерді 10 жастан асқан тұрғындардың барлығы тапсырады. Ал тест оң нәтиже көрсеткен жағдайда, олар өз-өзін оқшаулауға көшуі тиіс. Словакияда демалыс күндері, 31 қазан мен 1 қараша аралығында коронавирусқа жалпыұлттық тестілеу өтеді. Бұл туралы Aktuality хабарлады. «Пилоттық жобаны жүзеге асырып болғандықтан, біз енді кешенді тестілеуге көшеміз. Ол сенбі мен жексенбі күндері өтеді», – деді елдің премьер-министрі Игорь Матович. «Осы бастама арқылы біз вирус жұқтырғандарды анықтап, олардан үйде отыру арқылы өзгелерге қауіп тудырмауды сұрайтын боламыз», – деді Матович. Егер бұл тәсіл сәтті шықса, билік өзге елдер де Словакиядан үлгі алады деген үмітте. Словакияда 5,5 млн-ға жуық адам тұрады.
Ақпарат көзі 24.kz