Аудандық халықты жұмыспен қамту орталығы жанынан құрылған Мобильді қабылдау пункті Қандыағаш қаласы Теміржол вокзалы аймағында орналасқан «Анаға тағзым» демалыс саябағында тұрғындарды қабылдады.
Әр апта сайын тұрақты өтіп тұратын мобильді қабылдау барысында орталық мамандары А.Мұхтарова мен Д.Қосов тұрғындар арасында «Жұмыспен қамтудың 2020-2021 жылдарға арналған жол картасы» шеңберінде құрылысы жүргізіліп жатқан әлеуметтік нысандардағы бос жұмыс орындары және жұмыспен қамтудың өзге де белсенді шаралары туралы түсіндірме жұмыстарын жүргізді. Қабылдау нәтижесінде жұмыссыз жүрген 1 тұрғынға «Базальт-А» ЖШС-не тұрақты жұмысқа, 2 адамға Қандыағаш қаласы «Газовиков» көшесінде «Жол картасы» аясында жөндеу жұмыстарын атқарып жатқан «ГОАР» ЖШС-не жолдама берілді. Сондай-ақ 8 жұмыссыз тұрғынжұмыс іздеуші тұлға ретінде тіркеуге алынды.
Н.ТІЛЕП