«Мұғалжар» аудандық қоғамдық-саяси газеті

ҰЛТТЫҚ ҚҰНДЫЛЫҚ ДӘРІПТЕЛДІ

Тәуелсіздіктің 30 жылдығына орай «Болашаққа бағдар: рухани жаңғыру» бағдарламасы аясында Мұғалжар аудандық тарихи-өлкетану музейінде «Қыз көркем» тігін шеберханасының меңгерушісі, қолөнер шебері Оспан Баянның қазақша киім үлгілерінен сән топтамасы көрсетілді.

Ұлттық жауһарлардан сыр шертетін көрмеде ежелгі және заманауи үлгідегі киімдердің барлық үлгісі бар. Шара 8 наурыз халықаралық әйелдер мерекесіне орай ұйымдастырылғандықтан, сән топтамасы да әйелдер мен қыз-келіншектерге арналды. Сан алуан сәнделген үлгілер көздің жауын алады. Көрмеде ұлттық киімдердің өзіне тән ерекше тігісі, ою-өрнегі, жас ерекшелігіне қарай киілетіні түсіндіріліп, топ-топқа бөлініп көрсетілді. Көрмеге киімдерден бөлек әшекей бұйымдар да қойылған.

— Мақсат — осы көрме арқылы аудан тұрғындары мен қонақтарын өзінің тарих қойнауына кеткен қазақтың ұлттық киім үлгілерімен таныстыру. Карантиндік шектеулерге байланысты халықты жинай алмадық. Көрмеде көрсетілген сән топтамасын желі пайдаланушылары да тікелей эфир арқылы тамашалады. Бұл киімдер қазақтың мәдениеті жоғары екенін көрсетеді, — деді музейдің қор сақтаушысы Лилия Шамғалиева.

А.НАҒАШЫБАЙҚЫЗЫ

Ұқсас ақпараттар

БІРЛІК: ЖЕМ ӨЗЕНІ ТАСЫП, ЖЕТІ ҮЙ СУҒА КЕТТІ

admin_mugalzhar

Желтоқсанда азық-түлік бағалары өзгермейді

admin_mugalzhar

«Аманат» партиясының логотипі жарияланды

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.