Денсаулықты сақтандыру маңызды

2030 0

Биылғы медицина саласына енгізілген жаңа өзгерістерге сәйкес, Ақтөбе облысы бойынша 30-ға жуық жеке медициналық орталықтар халыққа тегін қызмет көрсетеді. Олардың басым көпшілігі науқастарды стационар  жағдайында емдейді. Бұл туралы әлеуметтік медициналық сақтандыру қорының бас маманы Салтанат Оңғар бүгін әлеуметтік медициналық сақтандыру жүйесі бойынша Мұғалжар ауданының жеке кәсіпкерлерімен және шаруа қожалық иелерімен өткен жиында айтты.

Оның айтуынша, кез келген науқас өздерінің жергілікті емханаларында қаралып, дертіне байланысты дәрігерлердің ауруханаға жату қажеттігі жайындағы жолдамасымен Ақтөбедегі медициналық орталықтарды таңдап, ем ала алады. Ол үшін әрбір адам ұялы телефондарына ұлттық бақылау қосымшасын енгізіп, сол арқылы сапалы медициналық қызмет көрсететін орталықтарды таңдауына болады. Мұндағы мақсат – ауруханалар мен емханалар арасындағы бәсекелестікті қалыптастыру. Енді халыққа сапалы медициналық қызмет көрсете алмайтын орталықтар мемлекет тарапынан қаржыландырудан қалыс қалады.

Жиналыста бас маман сонымен қатар, міндетті әлеуметтік медициналық сақтандыру жүйесі бойынша төленетін төлемдер жайында да мағлұматтар берді. 2018-2019 жылдар аралығында жеке кәсіпкерлер мен шаруа қожалық иелері қарамағындағы жұмысшыларына міндетті әлеуметтік сақтандыруға 1,5 пайыз көлемінде төлем төлейді.

— Өздеріңізге белгілі, медициналық сақтандыру жүйесі өткен жылдан бастап жүзеге асып келеді. Дегенмен Ақтөбе облысында бұл орайда атқарылған жұмыстың көрсеткіші көңіл көншітіп отырған жоқ. Мұны Елбасы былтырғы жылдың аяғында атап кетті. Медициналық сақтандыру жүйесінің талабына сәйкес, бұған дейін жеке кәсіпкерлер өздеріне және жұмысшыларына төлеп келсе, енді олар тек қана жұмысшыларына төлейтін болады. Сондай-ақ,  жеке  кәсіпкерлер үшін әлеуметтік аударымнан 1,5 пайызға жеңілдетіліп отыр. Яғни, бұрын 5 пайыз болса, қазір 3,5 пайыз төлейді. Ал егер сақтандыру бойынша жұмысшыларына төлем төлеуді уақытында жүзеге асырмаса, әр төленбеген күніне 2,5 пайыз үстемақы қосылып отырады. Сондықтан, жеке кәсіпкерлер мен шаруа қожалық иелері мұны ескергендері абзал. Мұның себебі, алдағы уақытта медициналық сақтандыру жүйесі іске асқан уақытта бірде-бір адам науқастанған кезде медициналық көмекті алмай қалмауы тиіс. Бұл жүйенің қажеттілігі мен тиімділігі әлем тәжірибесінде дәлелденген. Осы бағытта қазіргі таңда, ауқымды түрде түсіндіру жұмыстарын жүргізіп келеміз, — деді әлеуметтік медициналық сақтандыру қорының бас маманы Салтанат Оңғар.

Кездесу барысында бас маман жеке кәсіпкерлер мен шаруа қожалық иелері тарапынан қойылған сұрақтарға жауап берді.

Алтын СҮЛЕЙМЕН

Оқи отырыңыз

Барлық қарекет – қылмыстың алдын алу үшін

07.11.2017 0
Ақтөбе облысы, Мұғалжар ауданында ішімдіктің салдарынан орын алатын қылмыстың көрсеткіші бәсеңдемей тұр. Мезгілсіз уақытта алкоголді сусындарды азық-түлік дүкендерінде сатуға заңмен…

Қысқы төтенше жағдайға дайындық

10.11.2017 0
Кеше жылдағы үрдіспен  қыс мезгіліндегі төтенше жағдайлардың алдын алу және жою бойынша әрекеттерге басқару органдары мен азаматтық қорғау жүйесінің мемлекеттік…

Тағылымды, тарихи 30 жыл

11.12.2017 0
Өткен аптада Ембі қалалық №3 орта мектебі 30 жылдық мерейтойын тойлады. Оған Мұғалжар аудандық мәслихаты мен білім бөлімінің өкілдері, қала…

Мас жүргізуші адам қағып кетті

11.01.2018 0
Қандыағаш қаласында көлікті ішімдік ішкен күйінде басқарған жүргізуші 63 жастағы әйел адамды қағып, мерт қылды. Ақтөбе облыстық ішкі істер департаментінің…

Пікір қалдыру

Ваш e-mail не будет опубликован. Обязательные поля помечены *