Ақтөбе жаңалықтары

Ақтөбеде «цифрлы ұрпақ» саны көбейіп келеді

Ақтөбе облыстық «Азаматтарға арналған үкімет» МК филиалының Ырғыз аудандық ХҚО қызметкерлері, орталық кітапхана ғимаратында «Цифрлық сауаттылық — уақыт талабы» атты шара ұйымдастырды. Оған Ырғыз аудандық бөлімі мамандары және Ырғыз гимназия мектебінің оқушылары қатысып, ХҚО мамандары оқушыларға цифрландыру бойынша құнды ақпараттармен бөлісті.

Оқушыларға бұрынғы құжат айналымы мен қазіргі кездегі жетістіктерді салыстыра отырып, электронды қызметтерді түсіндірді. Сандық форматқа көшу болашақ жастар үшін өте тиімді екені және қазіргі мобильді қосымшалар бойынша ерекше айтылды.

Бір қызығы оқушылар арасында қызу пікірталастар өтіп, алдағы уақытта цифрландыру бойынша тың идеялары барын жеткізді. Олар электронды үкімет порталының жұмыс істеу алгоритімін біліп, электронды құжаттар, цифрлық қолтаңба сияқты терминдермен танысып, мемлекеттік қызметтерді электрондық форматта алу үрдісін үйренді.

Жиын соңында ХҚО қызметтерінің электронды форматқа көшірілуін түсінген жастар өз ризашылықтарын білдіріп, алдағы уақытта ол балалар ата- аналарына, әжелеріне электронды үкімет порталын қолдануға көмектесе алатын болады.

Сондай-ақ, облыс бойынша филиалдың бекіткен кестесіне сәйкес жауапты ХҚО мамандары, орта оқу орындары және мектептерде цифрлық сауаттылық бойынша үздіксіз оқыту ұйымдастырып келеді.

Добавить комментарий

Ваш адрес email не будет опубликован. Обязательные поля помечены *