Ресейде оқып жатқан 200-ден астам студент Ақтөбеге жеткізілді

0
64

Ресейде оқып жатқан 200-ден астам Қазақстан студенті Ақтөбеге жеткізілді, деп хабарлайды ҚазАқпарат тілшісі.

«Ресейден 222 студент келді. Бүгін қабылдап, анализ алдық. Бәрі карантиндік стационарда болады. Тексеруден соң шешім қабылданады. Студенттер еліміздің әр өңірінен. Алматы, Нұр – Сұлтан қалалары мен бірнеше облыстың жастары бар. Ақтөбеден тек 6 студент. Егер ешкімнен коронавирус инфекциясы анықталмаса, өз өңірлеріне жіберіледі, егер індет жұқтырса, бізде ем қабылдайды», – деді облыстық денсаулық сақтау басқармасының басшысы Әсет Қалиев.