Армения мен Әзербайжан гуманитарлық бітімге келді

Ереван мен Баку Таулы Қарабақ бойынша гуманитарлық бітімге келісті, – деп хабарлайды Tengrinews.kz тілшісі РИА Новости агенттігіне сілтеме жасап.

Бітім 18 қазанда жергілікті уақыт бойынша түнде күшіне енді. Қос тарап та тиісті мәлімдеме жасады.

“Шешім 10 қазанда Мәскеудегі келіссөздер барысында және 1-5 қазанда ЕҚЫҰ Минск тобының тең төрағаларының кездесулерінен кейін қабылданған”, – делінген хабарламада.

Айта кетейік, осыған дейін Армения мен Әзербайжан 10 қазан түстен бастап, Қарабақтағы атысты тоқтатуға келіскен болатын. Алайда онда әлі ұрыс қимылдары жалғасып жатыр.

Әзербайжанда қалаға зымыран түсті: 12 адам қаза тапты, зардап шеккендер саны 40-тан асады