Қазақстанда COVID-19 және пневмониядан қайтыс болғандар саны күрт өсті

0
207

Қазақстанда COVID-19 және пневмониядан қайтыс болғандар саны күрт өсті. Елде бір тәулік ішінде 31 науқас қайтыс болды, – деп хабарлайды Tengrinews.kz тілшісі Денсаулық сақтау министрлігіне сілтеме жасап.

COVID-19-дан 27 адам, ал пневмониядан төрт адам қайтыс болды.

Айта кетейік, 6 сәуір қарсаңында коронавирус пен пневмониядан 26 адам, 5 сәуірде 20 адам, 4 сәуірде 11 адам, 3 сәуірде 15 адам, 2 сәуірде 14 адам, 1 сәуірде 18 адам қайтыс болғаны хабарланды.

Қайтыс болған науқастар туралы мәлімет екі күн кешіктіріліп жарияланатыны көрсетілген.

Сондай-ақ, Денсаулық сақтау министрлігі COVID-19 белгілері бар пневмония туралы мәліметтерді жариялады. Бір тәулікте 116 жаңа жағдай тіркелді. 163 адам емделіп шықты.

Еске салайық, коронавирус жұқтырған науқастар саны көбейді. Ұзақ уақыт ішінде алғаш рет елде 2 мыңнан аса науқас анықталды. Алматы тағы да бірінші тұр.