СУРЕТТІ «СӨЙЛЕТКЕН» САМАТ

0
236

Газеттің көркем безендірілуі мен көзге тартымды болуына фототілшінің қосар үлесі шексіз. Олай дейтінім фотограф белгілі бір оқиғаны немесе кейіпкерлерді суретке түсірген сәтте өмірдің қайталанбайтын қас-қағым сәтін мүлт жібермей, ракурсты дұрыс алуы тиіс.Мен 20 жылдан астам уақыт газетте фототілші қызметін атқардым. Газеттің қандай қиындықпен шығатынын, фотоның оңай түсіріле салмайтынын да жақсы білемін. Сол себепті мереке қарсаңында фотографқа қажетті шеберлікті жетік меңгерген “Мұғалжар” газетінің фототілшісі Самат інім туралы айтқым келеді. Оның түсірген фотосуреттеріне қарап отырып, табиғаттың айрықша жылуы мен әлемнің сиқырын сезгендей боласың. Фотоаппарат ұстаудағы ептілігі менің көңілімнен шығады. Газеттің көркем безендірілуі фотожурналистің түсірген суреттеріне тікелей байланысты. “Мұғалжардың” әр нөмірін үнемі оқып, Саматтың
түсірген суреттеріне сыни көзқарас танытып отырамын. Саматтың кәсіби мерекелер кезінде жасаған коллаждары өтте сәтті шығады. Оның шеберлігі күн сайын артып келеді. Жасап жатқан жұмыстары әрдайым жемісті болсын деп, шығармашылық сәттілік тілеймін!
Смағұл ҚҰДАБАЕВ,
ардагер-журналист