99,3 МИЛЛИАРД ТЕҢГЕГЕ ДӘРІ-ДӘРМЕК ШЫҒАРЫЛҒАН

0
196

Биыл алты айда елдің фармацевтикалық компаниялары 99,3 миллиард теңгеге дәрідәрмек шығарды. Оның тең жартысына жуығы Қарағанды облысының үлесінде. Шымкенттегі зауыттар 22 жарым миллиардқа, Алматы облысында 18, Алматы қаласында 13,4 миллиардқамедициналық препарат жасады. Жалпы алғанда елде өндіріс 31 процентке көбейген. Сәйкесінше импорттың үлесі бір жылда 22 процентке кеміді.

Шет елден жеткізілетін дәрі-дәрмектің 42 проценті ТМД елдерінен, оның ішінде Ресей, Украина және Беларусьтен импортталады. Қалғаны Қытай, Үндістан, Польша, Германия және Франция сынды елдерден әкелінеді. Нарықта импорт азайып, отандық өнім көбейгенімен баға арзандамады. Керісінше алты айда 4,8 процентке қымбаттаған. Әсіресе Маңғыстау облысында шарықтап кетті. Мұнда медициналық препараттардың бағасы 18 процентке қымбаттаған. Елордада 11, Ақмола облысында 10 процентке көтеріліпті.