Бүгінгі күнге ауданда эпидемиологиялық ахуал бақылауда. Ауданда өткен аптада коронавирусты инфекцияның нақтыланған вирус сәйкестендірілген 42 жағдайы, ал COVID-19 белгілері бар пневмониямен 3 сырқаттанушылар тіркелді.
Үй карантинін сақтау шарттарының міндетті түрде орындау туралы қолхаты негізінде үй карантинінде қоңырау шалу арқылы 525 адам (клиникалық белгілері жоқ коронавирусты инфекциямен -73 адам, жақын қарым-қатынаста болған тұлғалар -452) медициналық бақылауда.
Жалпы 2021 жылдан бастап бүгінгі күнге дейін Мұғалжар ауданы бойынша коронавирусты инфекцияның 1442 жағдайы тіркелді. Тіркелген жағдайдың 858-і клиникалық симптомдары бар, 584 адам клиникалық симптомдары жоқ науқастар. Соның ішінде 92,1% жазылып шықты.
Қазіргі таңда Мұғалжар ауданы бойынша коронавирусты инфекциясы диагнозымен 21, коронавирусты пневмония диагнозымен 6 науқас инфекциялық бөлімдерде ем алуда. Қосалқы диагнозы коронавирусты инфекциямен 2020 жылы 6 науқас көз жұмса, 2021 жылы бүгінгі күнге дейін өсу ретімен 19 науқас көз жұмды.