Грузияның астанасы Тбилисиде өткен Халықаралық пара пауэрлифтингтен Әлем чемпионатында мұғалжарлық Гүлім Құрманбаева өнер көрсетіп, жүлделі І орынға ие болып, жеңіс тұғырынан көрінді. Жаһан елдерінен 1000-ға жуық мықты спортшылар қатысқан бәсекеде өнер көрсеткен зілтемірші Гүлім 94 келі зілтемірді көтеріп, командалық жарыста 8 орынға табан тіреді.
— Бапкерім Сергей Ведюшкин екеуміздің жарысқа барғандағы басты мақсатымыз үздік сегіздіктің қатарынан көріну болатын. Бүгінде жоспарымыз орындалды. Енді алдымызда бәсекеге толы жарыстар бар. Әлі де жаттығуымызды жалғастырып, шеберлігімді шыңдаймын. Алдағы жоспар — 2022 жылы өтетін жарыстарға қатысып, жүлделі орындардан көрініп, олимпиада ойынына жолдама алу, — деді спортшы.
Н.ТІЛЕП