Аудандық жұмыспен қамту орталығының қызметкерлері Тәуелсіздіктің 30 жылдық мерекесіне орай аудан тұрғындары арасында кезекті «Бос жұмыс орындары» жәрмеңкесін өткізді.
Мұғалжар аудандық пробация бөлімі және жұмыс берушілер қатысқан жәрмеңкеде жұмыссыз мұғалжарлықтарға «Еңбек» мемлекеттік бағдарламасы түсіндіріліп, 32 мекемеде бос тұрған 116 жұмыс орындары таныстырылды. Жәрмеңкеге қатысқан 91 адамның 30-ы тұрақты және уақытша жұмыспен қамтудың шараларына тартылды. Жұмысқа қабылдау барысында аз қамтылған, көп балалы отбасы мүшелеріне, борышкерлер мен соттылығы бар азаматтарға басымдылық берілді. Сонымен қатар барлық жиынға қатысқан аудан тұрғындары «Еңбек» мемлекеттік бағдарламасы аясында және құқықтық, кәсіпкерлік салалары бойынша кеңес алды.
Н.КЕСІКҚҰЛ