Аудан әкімі Асқар Шерияздановтың Қожасай ауылының тұрғындарымен кездесуінде ауыл ішін абаттандыру,
көктемгі еріген қар суынан кейін Қожасай ауылына дейінгі жолдың бүлінуі, ауыл ішіндегі жыра болған жерлерді тегістеу қажет ететіндігі жөнінде мәселелер көтірілген болатын.
Тұрғындардың сұраныстарын орындау мақсатында 29 сәуір күні ауылішілік сенбілік аясында «Қазақойл-Ақтөбе» ЖШС-нің арнайы автогрейдер техникалары жұмылдырылды.
Нәтижесінде Қожасай ауылына дейінгі және ауыл ішілік жолдар тегістелді. Екі айлық сенбілік аясында тал көшеттерін отырғызу, ағаш түптерін әктеу жалпы санитарлық тазалық жұмыстарын жүргізу шаралары жалғасатын болады.