«Балалар жылы» аясында ұйымдастырылған «Айналайын -2022» балалар байқауының қорытындысы кешкілік «Тәуелсіздік» саябағында өткен Гала концертте жарияланды.
Байқауға қатысушылар сән-салтанаты жарасқан сахна төріне көтерілерден бұрын арнайы жайылған қызыл кілем үстімен жүріп өтті. Аталған шараға аудан әкімі Асқар Шериязданов қатысып, балаларды мерекесімен құттықтап, жеңімпаздарға марапаттарын табыстады.
Байқау қорытындысы бойынша Гран Приді мұғалжарлық Жансая Жақсылықова жеңіп алды. Ал I орынды ойылдық Айтөре Атағалииева, II орынды мұғалжарлық Нұрдана Темірғали иеленсе, III орындарды хромтаулық Арман Сағынай мен Байғанин ауданынан келген Мират Сайдағали бөлісті. Қобда ауданынан келген Нұржан Спандияр «Көрермендер көзайымы»аталымына қол жеткізді.
Мерекелік кеш соңы отшашумен аяқталды.
ӨНЕРЛІ БАЛАЛАР БАЙҚАУЫ ӨЗ МӘРЕСІНЕ ЖЕТТІ
