Бұл жыл басынан бері 93 ит-мысықта зардап шеккен мұғалжарлықтар саны. Олардың басымы яғни, 51-і 14 жасқа дейінгі балалар.
Ауданның санитариялық мамандарының айтуынша, жануарларға таланғандардың барлығы профилактикалық мекемелерде толыққанды ем-шара қабылдаған.
— Бүгінде көшеде иесіз жүрген ит-мысықтар адамдар үшін өте қауіпті. Зардап шеккен 93 адамның 79-ы иттерге, 13-і мысықтарға, 1-еуі атқа таланған. Оның ішінде 56-сы ер адам, 37-сі әйел адам. Көп жағдайда ит қауып, зардап шеккендердің көбісі 14 жасқа дейінгі балалар. 93 жағдайдың 51-і жас балаларға тиесілі. Олар антирабиялық егуге жолданып, 32 толық курсын, 61 толық емес курсын алды. Ал 21 адам антирабиялық иммуноглобулинге жүгінді. Жануарлардан зардап шеккендер емдеу — профилактикалық мекемелеріне жатқызылмады. Антирабиялық егуден бас тартқаны жоқ, егуді өздері тоқтатқандар жоқ, — деді санитариялық эпидемиологиялық басқармасының бөлім басшысы Радина Жақсылыққызы.