«Мұғалжар» аудандық қоғамдық-саяси газеті

Ералы Тоғжанов Мұғалжар ауданы Жем қаласының әлеуметтік-экономикалық дамуымен танысты

Ақтөбе облысының әкімі Ералы Тоғжанов, ҚР Қорғаныс вице-министрі Мұхамеджан Таласов, «Батыс» өңірлік қолбасшылығы әскерлерінің қолбасшысы Дәулет Оспанов Жем қаласына барды.

Жұмыс сапары барысында делегация Мұғалжар ауданының әлеуметтік-экономикалық дамуымен, сондай-ақ Жем қаласына қоныс аударған әскери бөлім қызметкерлерін тұрғын үймен қамтамасыз етудегі жан-жақты қолдау шараларымен танысты.

Қазіргі уақытта бұрынғы әскери қалашықтың жағдайын жақсарту мақсатында облыс әкімдігі ҚР Қорғаныс министрлігімен бірлесіп нақты шаралар қабылдауда. Атап айтқанда, жеке кәсіпкер, 10 көпқабатты тұрғын үйдің меншік иесі Сәуле Төреханова үйлерге кезең-кезеңімен жөндеу жұмыстарын жүргізуде.

Соңғы бірнеше жылда Жем қаласында әлеуметтік нысандар, №5 орта мектеп жөнделді, жаңа спорт алаңы салынды, қаланың үш орталық көшесіне асфальт төселді. Мәдениет үйі, балабақша, амбулатория жұмыс істеп тұр. Былтыр жасөспірімдердің шығармашылық қабілеттерін дамыту мақсатында Жем қаласындағы №3 аула клубына күрделі жөндеу жүргізілді.

А.МӘЛІКҚЫЗЫ., «Ақтөбе» газеті.

Ұқсас ақпараттар

Алдағы күндері ауа райы қандай болады?

admin_mugalzhar

Тоқаев: Бет-жүзді тұмшалайтын қара киімнен гөрі өзіміздің ұлттық киімдеріміз әлдеқайда артық

admin_mugalzhar

Мәскеу Ким Чен Ынды Екінші дүниежүзілік соғыстың 75 жылдығы медалімен марапаттады

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.