Ақтөбе облысының үздік тауар өндірушілері анықталды. Ақтөбеде дәстүрлі «Қазақстанның үздік тауары» көрме-конкурсының өңірлік кезеңі қорытындыланды. Іс-шараға облыс әкімі Ералы Тоғжанов қатысты.
Биыл Ақтөбе облысының үздік тауар өндірушілері атағына 29 компания өтінім берген. Олардың арасында терможабынды (минвата) өндіретін Қандыағаш қаласында орналасқан «Қазтермогрупп» ЖШС-де бар.
«Өндірістік мақсаттағы үздік тауар» номинациясында «Қазтермогрупп» ЖШС — минерал жүн өнімдерін өндіру бойынша лауреат атанды. «Қазтермогрупп» ЖШС-і Ақтөбе облысының индустрияландыру картасына енген кәсіпорын.
Облыстан жеңімпаз атанған мекеме жыл соңында елордада өтетін «Қазақстанның үздік тауары» байқауының республикалық турына қатысады.