Батпақкөл ауылдық округіне қарасты Жағабұлақ пен Саға ауылдарының кіреберіс жолдары асфальттануда. Жүргізіліп жатқан жұмыстарды аудан әкімі Дархан Ермағанбетов қарап, мердігер мекеме басшылығына бұл жұмыстарды уақытылы әрі сапалы орындауды тапсырды.
Жалпы ұзындығы 2,1 шақырым болатын Жағабұлақ ауылының кіреберіс жолы мен 750 метр шақырым болатын Саға ауылының кіреберіс жолына асфальт төсеу жұмыстарын мердігер «ТенгриСтройИнвест» ЖШС -і жүргізуде. Ауылдарға кіреберіс жолын салу жұмыстары шілде айында басталды. Асфальт төсеу жұмыстарынан кейін жол жиектерін жасау, жол белгілерін қою, жол жолақтарын сызу жұмыстары жасалатын болады. Асфальттау жұмыстары толығымен осы жылы аяқталады.
«МҰҒАЛЖАР-АҚПАРАТ»