Қазақстанда патрульдік полиция қызметкерлеріне ишарат тілін білу міндеттелді. Бұл туралы Ішкі істер министрлігінің ресми өкілі Шыңғыс Әлекешев мәлімдеді.
Оның айтуынша, ишарат тілін білу полиция қызметкерлеріне есту қабілеті бұзылған адамдарға көмектесу кезінде және төтенше жағдайларда жедел әрекет етуге көмектеседі.
Ерекше қажеттіліктері бар адамдар жиі қиын немесе қауіпті жағдайларға тап болады. Сондықтан біздің барлық патрульдік полиция қызметкері адамға қолдау және қажетті көмек көрсетуге мүмкіндік беретін қарапайым қимылдарды меңгереді. Бұл – жай ғана ресмилік емес, адам өмірін сақтап қалатын маңызды дағды, – деді Шыңғыс Әлекешев.
Оның айтуынша, әрбір патрульдік қызметкер «Уайымдамаңыз, полиция сізбен бірге, біз сізге көмектесеміз» деген сөздерді қимылмен көрсетуді білуі керек.
ЕЛІМІЗДЕ ПОЛИЦЕЙЛЕР ТАҒЫ БІР ТІЛДІ БІЛУГЕ МІНДЕТТЕЛДІ
