Қандыағаш қалалық №4 орта мектебі жанынан құрылған «Ата-аналар мектебі» жобасы және Ата-аналарды педагогикалық қолдау орталығы «Біртұтас тәрбие» бағдарламасын жүзеге асыру мақсатында танымдық-мәдени шара өткізді.
Аталған шара аясында «Даналық дариясы» атты әжелер мен аналар клубының мүшелері К.Мәмбетова мен А.Саршолақова және 9 «Ә» сынып оқушылары Мұғалжар аудандық өлкетану музейіне барып, танымдық саяхат жасады. «Даналық дариясы» атты әжелер мен аналар клубының жетекшісі А.Жоламан аталған шараның мақсаты оқушыларды аудан тарихын және музей жедігерлерімен таныстыру, ұлттық құндылықтарды, дәстүрді насихаттау екенін айтады. Саяхат барысында ақ жаулықты әжелер өнегелі өмір тарихтарынан сыр шертіп, тәрбиелік мәні бар өсиеттер айтты. 84 жасқа келген Күлаш әже балаларға бата беріп, ризашылығын білдірді. Ал 9 “Ә”сынып оқушы Алдажар Кенжетай «Адай» күйін шебер орындап, жиналғандардың рухын көтеріп тастады.
КӨНЕНІҢ КӨЗІ — АСЫЛДЫҢ СЫНЫҒЫ
