Астанада өңірлердің тауар өндірушілерінің қатысуымен ауыл шаруашылығы жәрмеңкелерінің маусымы басталды. Бас қалаға өз өнімдерін бірінші болып апарғандардың ішінде мұғалжарлық шаруалар да бар.
Аудандық кәсіпкерлік және ауылшаруашылық бөлімінің басшысы бас қалада өткен жәрмеңкеге Ембі қаласынан, Ақкемер, Ащысай, Еңбек, Егіндібұлақ, Жұрын, Қайыңды, Қ.Жұбанов, Құмсай, Мұғалжар, Талдысай ауылдық округтерінен 6 бас жылқы, 12 бас ірі қара, 10 бас қой еттері апарылғанын жеткізді.
— Біз аудан бойынша 3,3 тонна жылқы етін, 2,4 тонна сиыр етін, 1 тонна қой етін апардық. Ет өнімдерін нарықтағы бағадан 10-15 пайызға төмен бағада саттық. Жәрмеңкеге келген астаналықтар біз апарған еттерді ұнатып, толығымен сатып алды, — деді бөлім басшысы Бауыржан Жолмағамбетов.
Н.АБАТ