Тау- кен өнеркәсібінде еңбекті қорғау және қауіпсіздік техникасына басымдық беріледі. Мұғалжар ауданында орналасқан “Құндызды” кенішінің жұмысшылары қауіпсіздік техникасына қатысты негізгі ережелерді ұдайы күшейтіп отырады. Өткен жылы кеніште 20 адам жұмысқа орналасты, оның ішінде Мұғалжар ауданының тұрғындары да бар. Жаңа қызметкерлер жұмысқа кірісу нұсқаулығы және қауіпсіздік -еңбекті қорғау курсынан өтуге міндетті. Сонымен қатар кеншілер жыл сайын өздерінің мамандықтарына сай қауіпсіздік техникасы бойынша білімдерін жаңартып, емтихан тапсырады.
Кәсіпорын қызметкерлері үшін Өндірістік оқыту орталығы ашылып, онда нұсқаушылар тау-кен өндіру және кен байыту процестері, өнеркәсіптік және өрт қауіпсіздігі туралы әңгімелейді. Жұмысшылардың өздері атап өткендей, қауіпсіздік ережелері өндірісте жұмыс істейтін әрбір адамның өмірі мен денсаулығының кепілі болып табылады.
—Қызметкерлерді оқытуеңбекті қорғаудың міндетті кешенді шараларына енгізілген. Сонымен қатар кәсіпорын жоспарға сәйкес оқужаттығу сабақтарын өткізеді, оның барысында барлық бөлімшелер мен қыз — меттердің өзара іс-қимылдары пысықталады. Оқужаттуғалар қауіпсіздік ережелері, медициналық көмек көрсету және т.б. теориясын бекітуге көмектесіп қана қоймайды, сонымен қатар ұжымдық жұмысты көрсетеді, — дейді «КазГеоруд» ЖШС еңбек қауіпсіздігі және еңбекті қорғау инженері Саян Мангибаев.
Ұжымда қауіпсіздік мәдениетін арттыру үшін кері байланыс құралы да енгізілді. Тәуекелдер мен қауіптерді анықтау үшін компания қызметкерлері арасында онлайн сауалнама қолданылады. Қызметкерлер жұмыс орнында өз-дерінің немесе әріптестерінің денсаулығына қауіпті жағдайды байқаса, QR коды ар-қылы хабарлайды. Жауапты бөлім-шелер оларды жедел қарап, жояды. Бұл бастама тәуекелдерді анықтауға ғана емес, өндірісте қауіпсіз еңбек мәдениетін дамытуға да көмектеседі.