Осы жылдың1 – тоқсанында аудан аумағындағы кедейлік шегі — 33581 теңгені, ал күнкөріс деңгейі 46228 теңгені құрап отыр. Бұл туралы мансап орталығының мамандары айтты.
Олардың берген мәліметіне сүйенсек, осы жылдың қаңтар, ақпан айларында аудан бойынша атаулы әлеуметтік көмекті 107 отбасында 522 адам алған. Оның ішінде шартты ақшалай көмек 69 отбасыға, шартсыз ақшалай көмек 38 отбасыға тағайындалған.
—Атаулы әлеуметтік көмектің негізгі мақсаты — ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару, — деді мансап орталығының кеңесшісі Жанар Имағамбетова.