Талдысай ауылдық округіне қарасты Еңбек ауылы тұрғындарының ұйымдастыруымен 7 мамыр — Отар корғаушы күні мен 9 мамыр — Жеңістің 80 жылдығына орай “Ерлікке тағзым” атты мерекелік шара өтті.
Аталған шарада киіз үй тігіліп, ас берілді. Сондай-ақ ұлттық спорт түрлерінен тұрғындар арасында жарыстар ұйымдастырылды.
Еңбектіктердің бірі қол күрестірсе, екіншілері арқан тартып, енді бірі құм толтырылған қаптарды алысқа лақтыру бойынша күш сынасты. Жарыс нәтижесінде жеңімпаздар анықталып, сый-сияпат көрсетілді.
Мерекенің көрігін 24 шақырымдық ат жарысы мен 5 шақырымдық тай жарысы кіргізді. Жүйріктердің тұяғы дүбірлеген ат жарысында нәтижелі өнер көрсеткендерге арнайы және қаржылай сыйлықтар табысталды.