Бүгін таңғы сағат 7-де Жем қаласындағы №321 сайлау учаскесі өз жұмысын бастады.
Учаскелік сайлау комиссиясының төрағасы Ерболат Құдайбергеновтің айтуынша, дауыс беру процесі қалыпты өтіп жатыр.
Аталған учаскеде 569 сайлаушы тіркелген. Жем қаласының тұрғыны Жұпар Босназарова алғашқы болып дауыс берген. Қазіргі уақытқа дейін 149 адам өз таңдауын жасап үлгерді.
Бұл учаскеде төрт үміткер сайлауға түсіп жатыр. Олар — Гүлзада Жұмабаева, Нұрболат Жалғас, Венера Төлегенова және Нұсұлтан Тайтаков.