Ақтөбе теміржол вокзалынан Орал қаласында ҚР еңбек сіңірген спорт шебері Асқар Шайхиевты еске алуға арналған дзюдодан ерлер мен әйелдер арасында республикалық турнирде топ жарған жерлесіміз Гүлнұр Баханованы ата-анасы, туған-туыстары, Қандыағаш қаласының мамандандырылған балалар-жасөспірімдер спорт мектебінің директоры Талғат Жуманбетов бастаған ұжымы күтіп алды.
Турнирде жеңіп алған автокөлік кілті Гүлнұр Баханованың ата-анасына салтанатты түрде табысталды. Өз кезегінде ата-анасы республикалық турнирді ұйымдастырушыларға қуаныштарына ортақтасып келген спорт мектебінің ұжымына, бапкері Гүлмира Сағиға және туған-туыстарына алғыстарын жеткізді.
Айта кетейік Гүлнұр Баханова Қандыағаш қаласының мамандандырылған балалар-жасөспірімдер спорт мектебінің түлегі. Дзюдо күресінен ҚР Спорт шебері, жастар арасында дзюдо күресінен Азия чемпионатының күміс жүлдегері, ҚР чемпионатының жеңімпазы.