Қандыағаш қаласының мамандандырылған балалар-жасөспірімдер спорт мектебінде қазақ күресінен 2012-2014 ж.т.жасөспірімдер арасында Ұлы Отан соғысының ардагері «Даңқ», «Қызыл жұлдыз», «Отан соғысы» ордендерінің иегері Бисембі Нұрлыбаевты еске алуға арналған облыстық іріктеу турнирі өтуде.
Турнирдің ашылу салтанатына аудан әкімінің орынбасары Әкімжан Есенаманов, Бисембі Нұрлыбаевтың ұлы ауған соғысының ардагері Баймұрат Нұрлыбаев қатысып қатысушы командаларға сәттілік тіледі. Турнирге Ақтөбе қаласынан, Әйтеке би, Байғанин, Темір, Мәртөк, Ойыл, Хромтау және Мұғалжар аудандарынан келген жас спортшылары қатысуда.
Екі күнге созылатын турнир барысында өз салмақ дәрежелерінде жеңімпаз бен жүлдегер атанған спортшылар ұйымдастырушылар тарапынан медальдармен, дипломмен және кубоктармен марапатталады.