Аудан әкімі Дархан Ермағанбетов аудан аумағында автомобиль жолдарының құрылысы бойынша жүргізіліп жатқан жұмыстарға және орындалатын жұмыстардың сапасын қамтамасыз ету мақсатында мердігер мекемелердің басшыларын қабылдады.
Кездесуге “Жол активтері сапасының ұлттық орталығы” ШЖҚ РМК Ақтөбе облысы бойынша филиалы директоры Тельман Малаев арнайы қатысты.
Кездесу барысында аудан басшысы аудандық маңызы бар және қала, ауылішілік автомобиль жолдарының жөндеу жұмыстарына жауапты мердігерлерге аудандағы жолдардың уақытылы, әрі сапалы жөнделуіне басты назар аудару қажет екендігін айтты.
Кездесу соңында аудан әкімі жауапты мердігер басшыларына бірқатар нақты тапсырмалар жүктеді.