Өткен аптада коронавирус инфекциясын 5 адам жұқтырған. Ал COVID-19 белгілері бар пневмониямен 2 адам сырқаттанып қалған. Үй карантинінде 41 адам медициналық бақылауда отыр.
Аты жаман індет басталғалы ауданда 1713 адам коронавирус инфекциясын жұқтырған. Оның 952-сі клиникалық симптомдары бар, 761 адам клиникалық симптомдары жоқ науқастар. Соның ішінде 97,6% жазылып шыққан. Ал коронавирустық пневмониямен 304 адам ауырып, 301-і жазылған. Бүгінгі таңда Мұғалжар ауданы бойынша инфекциялық бөлімдерде коронавирусты инфекциясы диагнозымен 7 науқас, коронавирусты пневмония диагнозымен 1 науқас ем қабылдауда.
— Қазіргі таңда ахуал тұрақталып келеді. Дегенмен қауіп әлі де сейілген жоқ, сондықтан аудан тұрғындарын бетперде тағуға, қолды жиі жуып, антисептиктерді пайдалануға, әлеуметтік қашықтықты сақтауға шақырамыз. Өзіңізді және жақындарыңызды сақтаңыздар, — деді ауданның бас санитариялық дәрігері Б.Шағалбаев.