Жуырда Мұғалжар аудандық мәдениет үйінде ақтөбелік жергілікті композиторлардың әндерін дәріптеу, жас дарындардың атын таныту мақсатында ұйымдастырылған облыстық «Айырық айшықтары-2021» онлайн ән байқауы өткізілді.
Ауданнан байқауға 10 өнерпаз қатысып, жергілікті композиторлардың әндерін орындады. Қазылар алқасының шешімімен бас жүлдені Темір ауданының өнерпазы Г.Ержанова, жүлделі І орынды Қобда ауданынан келген Ж.Сати, ІІ орынды мұғаржарлық жерлесіміз С.Сәнкібай еншіленді, ал ІІІ орын Қарғалы ауданынан Ж.Дауырбаева мен Байғанин ауданының өнерпазы Д.Орысбай иеленді. Барлық жеңімпаздар көрнекі сыйлықтармен, арнайы дипломдармен марапатталды.
А.МАНАСБАЕВА