Meta компаниясының құрамына кіретін Instagram әлеуметтік желісі контент үшін пайда табуға мүмкіндік беретін ақылы түрде жазылым мүмкіндігін ұсынады, — деп хабарлайды Tengrinews.kz тілшісі РИА Новости сайтына сілтеме жасап.
Бұл туралы әлеуметтік желі басшысы Адам Моссери мәлімдеді.
Ақылы жазылымға қатысушыларға эксклюзив эфирлер мен Stories қолжетімді болады. Олар арнайы белгімен белгіленеді. Сондай-ақ, автор Instagram-дағы оқырмандарының профиль атауларының жанындағы ақылы жазылым белгісін көре алады.
Әлеуметтік желі басшысы функция АҚШ-та сынақтан өтетінін айтты. Алдағы айларда сынаққа басқа да авторлар қосылады.