Аудан әкімі Асқар Шерияздановтың тұрғындармен кездесуі Мұғалжар ауылында жалғасты. Кездесуге ауылдағы өндіріс кәсіпорындарының жұмысшылары мен жалпы ауыл тұрғындары қатысты.
Ауыл тұрғындарымен кездесуде аудан басшысы Ақтөбе облысының әкімі О.Оразалиннің елді мекендерді газдандыруға арнаған жоспарына сәйкес биыл да ауданның ауылдарына газдандыру жұмыстары жалғасатынын айтып өтті. Осы жылы 380 үйі, 1730 тұрғыны бар Мұғалжар ауылына 40 шақырым болатын Ембі қаласынан көгілдір отын тартылатындығын,
ауылға мәдени-көпшілік іс-шараларды өткізуге арналған 100 орындық ауылдық клуб ғимараты құрылысы басталатындығын, ауылдың электр желісінің жағдайын жақсартып, жаңарту үшін жобалық-сметалық құжаттар жасақталып, қаражат бөлінгеннен кейін жөндеу жұмыстары жүргізілетіндігін жеткізді.
Кездесу соңында аудан әкімі ауыл тұрғындарының толғандырған сауалдарына жауап беріп, жеке мәселелерімен келген тұрғындарға қабылдау жүргізді.
МҰҒАЛЖАР: АУЫЛҒА ГАЗ ТАРТЫЛАДЫ
