13-15 мамыр күндері Алматы қаласында дзюдодан 2002-2004 жылы туған жастар және қыздар арасында Бекет Махмутовты еске алуға арналған Азия кубогі өтті.
Осы дүбірлі додаға қатысқан мұғалжарлық Гүлнұр Баханова мен Жанарыс Рахметқали жүлделі орындардан көрінді.
Қандыағаш қаласының мамандандырылған балалар-жасөспірімдер спорт мектебінің түлегі Гүлнұр Баханова 65 келі салмақта ІІ орынды иеленді. Ембі қалалық балалар-жасөспірімдер спорт мектебінің түлегі Жанарыс Рахметқали 60 келіде ІІІ орынға ие болды.
Жас спортшылардың жаттықтырушылары Гүлмира Сағи мен Талғат Рятов.