«Энергосистема» ЖШС-нің Ақтөбе электр жүйелер учаскесінің ұйымдастыруымен қызметкерлерінің кәсіби шеберліктерін шыңдап, біліктіліктерін одан әрі арттыру мақсатында сайыс өтті.
Сайысқа Ақтөбе қаласымен облыстың барлық аудандарынан 16 команда қатысты. Қатысушы командалар арасында Қандыағаш қаласындағы Мұғалжар электр желісі учаскесі мен Ембі электр желісі учаскесі белсенділіктерін танытты.
Сайыс барысында түрлі авариялық жағдайларға дайын болып, істен шыққан электр жүйелерін тез арада қалыпқа келтіріп, электр қуатынан зардап шеккендерді қауіпсіз аймаққа шығарып, алғашқы дәрігерлік көмек көрсету бағыттары көрсетілді.
6 кезең бойынша өткен сайыста әрбір ауданнан қатысқан бригадалар өздерінің білімдері мен кәсіби шеберліктерін байқатты.
Нәтижесінде өз кәсібінің шебері екендерін дәлелдеген Ембі электр желісі учаскесі сайыстың қорытындысы бойынша І орынды, Қандыағаш қаласындағы Мұғалжар электр желісі учаскесі ІІ орынды, Ақтөбе қалалық электр желісі учаскесі ІІІ орынды иеленді.
Сайысқа қатысушы командалар кәсіби жұмыстың жаңа, заманауи әдіс-тәсілдерін көрсетіп тәжірибе алмасты.