Өткен апта соңында Ақтөбе қаласында ән падишасы Роза Бағланованың шығармашылығына арналған республикалық «Ақмаңдайлым» атты ашық ән байқауы өтті.
Байқауда Қазақстанның түкпір-түкпірінен жиналған аудан өнерпаздары бақ сынады. Орал, Атырау, Ақтау, Павлодар сынды қалалар мен аудан орталықтарынан қатысқан ән байқауы өте қызықты әрі тартысты өтті. Өнерпаздар сайысында Бәкір Тәжібаевтің сөзіне жазылған, Ескендір Хасанғалиевтің «Елімнің бір еркесі мен боламын» атты әнін орындаған Ембі қалалық мәдениет орталығының әдіскері Даража Қоспағамбетова жүлделі ІІ дәрежелі дипломмен марапатталса, Ару Қадырова халық әні «Ақтамақты» орындап, мадақтамаға ие болды.